رساله غير اي رساله

بسم الله الرحمن الرحيم

مش هقول على دي رساله

اولا انا عايزاكي تعرفي انك سبب نجاحي مش زي الكل ما بيقول دلوؤتي انا يمكن الحمد لله عملت السنه دي

حاجات كتير زي ان انا اخدت الدبلومه وبتقدير جيد جدا وكمان قدمت في الماجستير في كليه تربيه واخدت سنه

الخدمه العامه اللي هاخد شهادتها في شهر10 وكمان اخدت دوره ال ICDL واخدت شهادتها دي غير شهادات

لكورسات انجلش في المركز العلمي تبع منظمه الامديست الى حد ما حققت جزء من طموحي ولكن انا مش

عايزه من الدنيا غير وجودك جنبي يا صديقتي انتي عمرك ما كنتي سبب في فشلي انا يمكن نجاحي في كل

الحاجات دي نتيجه احساسي بالضعف كنت بهرب من اي حاجه ومن اي حزن بالكورسات والمذاكره بس من

جوايا دايما حزين ربنا وحده اللي يعلم الايام دي بتمر عليا ازاي ... انا في ناس جدا بتحبني وبقى ليا اصحاب

كتير واغلب الناس بيقولوا ان انا ليا شعبيه ده زائد حب الدكاتره ليا وبفضل ده بقيت مشهوره جدا ومحبوبه في

كليه تربيه انا حققت في تربيه اللي عمري ما عرفت احققه في كليه اداب بس عمر ما حب الناس بيجلب الراحه

للانسان بس برجع اقول الحمد لله قضى اخف من قضى زي ما بيقولوا..

فرحانه اوي باصحابي منه بقى عندها بنوته وولد وكمان سحر اتجوزت من كام يوم وهناء بقى عندها كتكوت

صغير وعبير كمان بقى معاها عمار بجد فرحانه علشانهم خالص اما بالنسبه ليا فأنا بأجل في موضوعي كل

شويه خايفه اتسرع بس انا خلاص مش فارقه معايا كل عندي زي بعضه من بعد موضوعك مش بصدق حاجه

اسمها حب لان فعلا هو مفيش حب في الزمن ده للاسف بتمنى اشوفك وفعلا بشوفك بس من بعيد اخر مره

اتكلمنا وجها لوجه كان في شهر 11 بالتحديد24/11 عمري ما هنسى اليوم ده لان انا كنت ناويه انهي حياتي فيه

بس الحمد لله ربنا وقف جنبي ولاقيت كل الناس معايا وخاصه لمياء ورشا وايناس وبجد لسه معايا لغايه دلوؤتي

ومعاهم ياسمين دول بجد اغلى اصحابي واعز الناس عندي وبحبهم اوي لدرجه ان ياسمين سابت المنيا وجات

تكمل معايا في الدراسات العليا ببني سويف حاسه ان ربنا عوضني بناس كتير بس برضوا مش قادره انساكي

يمكن لانك مش كنتي صحبتي وبس انتي كنتي كل حاجه عندي في شهر 11 السنه هتكون فاتت زي ما قولتي

مش عارفه بقى هتصالحيني بعدها ولا لا ؟ بس انتي قولتيلي بعد سنه وشهر 11 ده حياتي كلها متوقفه عليه


بجد وحشتيني جدا وكل يوم بشوف صورك واعيط وعامله صورتك خلفيه للكمبيوتر وللاب توب كمان ربنا يخليكي ليا