Ŝhâms Elñĥãŗ
حبيب
عدد المساهمات : 285
السٌّمعَة : 0
تاريخ التسجيل : 06/05/2009
العمر : 35
الموقع : في حياه مؤلمه
 |  موضوع: رقم(3)  03/04/11, 01:55 pm | |
|
بسم الله الرحمن الرحيم
اليوم الاحـــــــــــــد 3/4/2011 الساعه 9.36 دقيقه
يومي بدأ عادي جدا صحيت من النوم الساعه 10.30 كالمعتاد وانا بفكر في اللي حصل امبارح واللي ممكن
يعمله مجلس التأديب بالجامعه في احمد ونفسيتي كانت تعبانه لان انا مش قدرت اساعده بأي شكل حسيت ان
مستحيل استغل علاقتي بدكتور عيد في حاجه زي دي فمش قدرت اكلمه رغم ان الكل طلب مني كده بس
انا رفضت والكل قاطعني في الدبلومه بس انا زعلانه من دكتور عيد قوي لانه السبب في اللي حصل لاحمد
المهم انا روحت الجامعه شوفت دكتور عيد في الدور الثاني بالصدفه بس كملت مشي ومش رضيت اسلم عليه
وانا نازله من مكتب دكتوره حنان ودي واحده صاحبتي عرفتها السنه دي لاقيت دكتور عيد بينادي عليا لكن انا
نزلت ومش رديت لاقيته بيرن عليا قومت طلعتله هو حس ان فيه حاجه لكن انا رفضت اوضح ان انا زعلانه من
اللي حصل لزميلي لان زميلي كان غلطان من البدايه في استغلال اسم دكتور عيد ودكتوره جيهان .
المهم دكتور عيد عرفني بدكتور علي حسين اللي هكمل معاه الماجستير ان شاء الله وقاله ان انا اخته مش عارفه
انا بقيت بكره كليه تربيه دي انا كنت في حالي في كليه آداب لكن انا بقيت مشهوره في تربيه كل الدكاتره
يعرفوني وعلى فكره دي حاجه مش كويسه لان كتير من اصحابي كرهوني بسبب كده.
بس برضه انا مش بنكر ان ده ساعدني في ان انا اخد اعمال السنه كامله في مجموعه التربيه بس انا مش عارفه
استمتع بأي حاجه في الكليه النهارده دكتوره هناء قالت ان امتحاناتنا هتبدأ يوم 15/5 ولازم نذاكر لاننا عندنا 14
ماده كل ماده كتابين وانا كالمعتاد مش بذاكر غير يوم الامتحان ومحمد رافض يساعدني في تلخيص حاجه وحتى
مش ليا مزاج انجح السنه دي مع ان انا لازم اجيب تقدير مش هيقل عن جيد جدا ده لو اراد ربنا طبعا .
ناقصني وجودك معايا ونصايحك ليا ناقصني وجود شيماء اختي في حياتي بس انا اتعودت على حياتي الجديده
انا سبت الدكتوره النفسيه لانها هتجنني مش هتعالجني وبحكي كل حاجه لدكتور عيد لانه بيحب يعرف كل حاجه
عني . سبت بني سويف لان انا مش مرتاحه في القعده هناك ورجعت البلد تاني حسيت بالغربه في بني سويف
وطبعا كل اصحابي حاليا من المنيا وحلوان والقاهره ومش ليا غير اصحاب قليلين في بني سويف ومش كنت
بخرج كتير لكن في البلد حتى لو محبوسه في البيت اغلب الوقت ومش بحب حد يزورني لكن بحس بآمان
انا ارتبطت بالبلد قوي مش عارفه انا هسيبها ازاي ؟
طنط مامتك وحشتني قوي تصدقي ان انا في يوم من الايام حسيت انها امي فعلا لكن حاليا انا مش ليا حد غير
ايناس وربنا يخليها ليا .وانا حاليا عايشه حياتي لربنا ومستقبلي في ان انا اكون دكتوره في الجامعه وبس وان شاء
الله هحقق هدفي .
| |
|
