Ŝhâms Elñĥãŗ
حبيب
عدد المساهمات : 285
السٌّمعَة : 0
تاريخ التسجيل : 06/05/2009
العمر : 35
الموقع : في حياه مؤلمه
 |  موضوع: رقم (1)  29/03/11, 05:37 pm | |
| بسم الله الرحمن الرحيم
بعد ما حذفت كل مواضيعي اللي في المنتدى لاقيت نفسي برجع تاني وانزل مواضيع بس المره دي انا بكتبها
لنفسي مش ليكي لان انا صعب امسك ورقه وقلم في الوقت الحالي انا حتى اغلب شيتات الكتب حلتها على
الكمبيوتر اصل انا بقيت سريعه جدا في الكتابه وفي استخدام الكمبيوتر دلوقتي انا مش عارفه اعتبر ده فضفضه
والا ايه بس مش مشكله بحس براحه نفسيه وانا بكتب هنا لان انا واثقه ان محدش هيقراه ونونه لغى النت ومش
بيدخل ولما بيحتاج حاجه عن شغله بعملهاله على برنامج الاكسس وببعتهاله لكن هو لغى النت من عندي ومن
عنده لكن انا بدخل بس من وراه
هبدأ اليوم على ما اعتقد كده 30/3/2011 الساعه 1.22 دقيقه ده على حسب اللي ظاهر عندي على الشاشه
بسمع حاليا اغنيه ورده (دار يا دار) لان الاغنيه دي بحبها جدا بتفكرني ببيتنا زمااااااااان زماااااااان قوي
انا حاسه ان انا بقيت قويه بس مش القوه اللي كل الناس فهمتها ان انا قلبي بقى جامد بالعكس ده انا قلبي من
اضعف ما يكون لكن انا اقصد ان انا بقيت قويه بربنا الحمد لله وكنت عايزه اشكرك لانك السبب في كده
حياتي من حوالي شهر بدأت ترجع لطبيعتها كونت صداقات كتيره جدا وبقى ليا حياتي وليا انسان بحبه وهرتبط
بيه ان شاء الله وان شاء الله اهلي هيوافقوا عليه لانه كامل من كل حاجه وطبعا الكمال لله وحده لكن هو معاه
مؤهل عالي لانه خريج كليه تجاره سنه مناسب لانه اكبر مني بخمس سنين بس معاه فلوس الحمد لله وغير كده
موظف حكومه زي ما اخواتي عايزين احنا شبه متفقين على كل حاجه وهو كلم خالو وخالتو وبنمهد الطريق
علشان الكل يعرف .
تعرفي الانسان ده جه علشان يخرجني من الحزن واليأس اللي كنت فيه بسببك ربنا عوضني بيه الحمد لله
ربنا مش بينسى حد بس تعرفي لغايه دلوقتي مش اتكلمت معاه غير مره واحده وشتمته فيها لانه قطع عليا طريقي
انا واصحابي وهزقته هو من بني سويف وانا احترمته لانه مستني موافقه اهلي وبعدين يتكلم معايا انا اجلت كل
لشهر 6 وده بسبب امتحاناتي اللي ان شاء الله هخلصها وبتقدير عالي علشان ايناس وماما ينفذوا الوعد اللي
قالولي عليه هكمل واعمل الماجستير السنه الجايه ودكتور عيد مثلي الاعلى وهو احسن حد عندي دلوقتي هو اللي
هيكون مشرف رسالتي وان شاء الله هخلصها وبمتياز لان انا حددت موضوعها ومقتنعه بيه .
انا شوفتك اول امبارح س سبحان الله حسيت ان انا عاديه جدا وحسيت ان انا نسيت مين هي شيماء لكن النهارده
قومت صليت الفجر وانا بصلي وبسجد افتكرتك ودعيتلك بالخير وبعدها قريت الورد اللي بقراه كل يوم وفضلت
اعيط بعدها مش عارفه ليه انا مش عارفه اذا كنت نسيتك ولا لا بس الايام قللت الحزن اللي جوايا والحياه فعلا
زي ما قولتي مش بتقف على حد وكويس ان انا شوفتك بخير . | |
|
