اخر حاجه هقولها لصديقتي

موضوع: اخر حاجه هقولها لصديقتي 15/03/11, 01:45 am

بسم الله الرحمن الرحيم

دي اخر حاجه هقولها بعد مرور اسبوع ونص على قراري المجنون

_____________________________
إلى من استغنى عني...شكراً لأنك تركت مكانك لمن هو "أفضل منك"...كان عليك أن تخبرني برحيـــــلك...فقد إستضفتـــُك يوماً ما في
قلبـــي...و من واجب الضيافة عليّ أن اوصلك للباب

دي جمله اتبعتتلي من اقرب حد ليا دلوقتي وانا فعلا وصلتك للباب من اسبوع

عايزه اقولك انك كنتي من اجمل اصدقائي وحبيتك بكل قلبي بس انتي عمرك ما كنتي هتقدري ظروفي

وعايزه اقولك ان انا كنت ناويه اموت نفسي بسببك بس الحمد لله رجعت في اخر لحظه لما لاقيت حب اصحابي والناس ليا

الحمد لله كل اللي بحبهم معايا (ايناس ومنه ويسرا وهبه ومنى والاء ورشا ) لكن انا اللي يفرق معايا وجود

لميـــــــــــــــــاء اللي كانت معانا في المعسكر بقت اقرب اصحابي هي وايناس ووقفوا معايا كتير

الحمد لله ربنا عوضني بيهم والحمد لله علاقتي بقت حلوه مع الكل باستئناء اخويا

اشكرك لان بسببك وبسبب اللي كنت هعمله رجعت لربنا تاني

انا بخرج وبتفسح وبنزل الجامعه وبخرج مع اصحابي واغلب وقتي في بني سويف وقبل كل ده بطيع ربنا وبذاكر طبعا

بصحى الصبح اصلي واقرأ الورد اللي هو الجزء اللي بقراه كل يوم وبقرأ الفاتحه لاخوكي

وبعد كده بكلم لميا وايناس واوقات رشا على الموبايل

وبعد كده بفتح نت اكلم دكتور عيد قبل الجامعه واول ما تيجي الساعه 12 اقوم اصلي وانزل الجامعه

الدكاتره بيحبوني قوي وبيشجوعني وكلمتي مسموعه عند الكل لان الحمد لله ربنا موفقني في دراستي

قربت كتير من دكتوره قريبتنا في اسكندريه وقعت معاها الاسبوع اللي فات ونفسيتي الحمد لله احسن ووقتها قررت اتخلص من سيطرتك

عليااااااااااااااااا

الحمد لله ربنا وفقني مبدئيا في كده وبدأت اعمل لمستقبلي باخد دورات كتير والحمد لله نجحت في المقابله بتاع الشغل وهستلم شغلي

قريب انا عمري ما هكرهك وهفضل فاكراكي بالخير بس فعلا حزني عليكي اخد اكترمن حقه ودمرني الفتره اللي فاتت

وكنت بسببك هخسر اخرتي

بدعيلك من قلبي ربنا يوفقك وتبقي احسن حد في الدنيا

اخر حاجه هقولها ان انا فرحانه ببدايتي الجديده كفايه ان الحمد لله بخرج من بيتي وانا مطمنه ان ربنا راضي عني

ومحدش مهما كان ومهما كانت الضغوط بعد كده هيخليني اخسر اللي عملته

انا الناس بتقدرني دلوقتي وبتحترمني وده عمري ما هتنازل عنه بسهوله

سلام يا اللي كنتي اغلى اصدقائي

بس للاسف مضطره اودعك

باااااااااااااااااااااااااااااااااااااااااااااي

صفحه واتقفلت