ايجاز ومن الاخر مفيش حد يستاهل

بسم الله الرحمن الرحيم
اليوم الاربعاء 7/12/2011
الساعه دلوتي 8:11 مساءآ

هي دي مش مناسبه لكن انا هعتبرها مناسبه لان انا اول مره اقدر اواجه واول مره اقدر اتحكم في نفسي
النهارده روحت كليه اداب اسأل عن نتيجه عبير صحبتي لانها كانت دور سبتمبر وسبحان الله اول مره اكون قريبه من اداب وما ارفعش وشي على شباك مكتبك
اليوم كان طبيعي جدا بالعكس انا كنت فرحانه لان حبيبي كلمني الصبح قبل ما انزل المهم روحت الكليه وقولت اسأل عن نتيجه بيرو وفي شئون الطلبه قالولي النتيجه عند شئون الخريجين
كنت مترده في السؤال لان مدام ربيعه هناك المهم جاتلي الشجاعه اروح واسأل لان الكليه زي ما قالوا اصحابي مش بأسم حد وخاصه ان انا روحت طلعت شهادات من هناك الشهر اللي فات كنت محتاجاها في السفر
شوفت مدام ربيعه واتجاهلت ان انا شايفاها وقولت لرشا تشوفلي النتيجه راحت مدام ربيعه قعدت ترمي بالكلام وقالت والله انتي بنت خاينه ووحشه يارشاا
وانا بقلب في الكشوف راحت قالتلها انتي عملتي تمثيليه وانا بدعي عليكي في كل صلاه
هنا انا فضلت افكر في الجمله وكنت هرد بس اتحكمت في اعصابي ولما ما لاقتش اسم عبير في الورق مشيت وقولت لرشا مش عايزه اعرف حاجه
__________________________________
التعليق بقى هنا هو:
ان انا مش فرق معايا كلامها لان بعد ما راجعت نفسي لاقيت نفسي مش غلطانه من البدايه لان انا حذرتك وقتها
كنت ناويه اعيط بس افتكرت ان حياتي بقت احسن الحمد لله عن قبل كده وان بقى ليا اصحاب جدعين جدا وكل الناس بتحبني
افتكرت كلام ايناس ليا واد ايه هي بتحبني
قررت ان انا مش ارجع للماضي وابص لمستقبلي وللماجستير وفي حبيبي ان شاء الله اللي هيجمعنا بيت واحد
افتكرت ضحكه محمود ( مودي) ابن اخويا ليا واد ايه انا سعيده بيه
انا عمري ما هنكر ان انا حبيتك جدا يا صديقتي الوحيده بس انا مش بحب حياتي ت قف على حد او بمعنى تاني مش بحب اكون ضعيفه بالعكس انا بقيت قويه وحياتي اتغيرت ونظرتي للمستقبل مش بقت محدوده وحب كل الدكاتره ليا وتشجعيهمم وحرصهم على مستقبلي خلاني افكر بشكل تاني خاصه ان انا الحمد لله كنت من الاوائل السنه ديايجا
اخيرا اتخلصت من سيطره اي حد عليا واللي عاجبه يفضل في حياتي يا مرحب بيه واللي مش عاجبه مش هيفرق معايا وجوده من عدمه