بسم الله الرحمن الرحيم
اليوم الجمعه 8/4/2011 الساعه 4.35 بعد العصر
سبحان الله كل شويه اقول ان انا نسيتك وان انتي ولا حاجه عندي لكن غصب عني تحصل حاجه تفكرني بيكي
دكتور عيد قالي احسن حاجه المواجهه وده احسن من الهروب لكن لميا واصحابي قالولي احذري ان انتي رد
فعلك يجيبلك انتكاسه مش عارفه اعمل برأي مين فيهم ؟ انا طول عمري مش بعرف اخد قرار بنفسي وبحتار
ولشه برضه مش قادره اخد القرار بس انا عايزه اواجه كل ده علشان اركز في امتحانتي اللي اتحددت لان
مستقبلي صعب اخسره هو كمان انا مش عارفه انتي دخلتي حياتي ليه من البدايه وليه ربنا خلاني اقابلك انا
كنت عايشه حياتي مرتاحه وليه دخل محمد وسطنا وليه كل ده حصل الف ليه وليه جوايا بتشل تفكيري كل
يوم انا تعبت من كتر التفكير انا صحيح بهرب من كل ده دلوقتي والحمد لله احسن من الاول بس التفكير
ملازمني ومش بقدر اهرب منه غير بالنوم حتى في نومي الاحلام بتجيلي مع ان انا مش بحلم الا نادر
بس في الاخر برجع واقول الحمد لله على كل شئ وفعلا الحمد لله على كل شئ.
موضوع: رقم(5) 
08/04/11, 08:44 am